НБА плеј оф: Кливленд води со 1-0

Кошаркарите на Кливленд поведоа со 1-0 во плеј-оф финалето на Источната конференција од НБА лигата. Тие ноќеска на првиот натпревар пред своите навивачи го победија Торонто со 115:84 (33:28; 33:16;29:23;20:17).

 

Домашниот тим победата ја навести со одличниот процент на шут во првото полувреме од 67%. Кајри Ирвинг со 27 поени беше најефикасен, додека Леброн Џејмс постигна 24 поени.

 

Кај екипата на Торонто најверојатно долгата серија во полуфиналето со Мајами беше причина за замор и слабото издание во првиот финален дуел во Источната конференција.

Кливленд е во серија од девет победи по ред во плеј офот и го напаѓа рекордот на Сан Антонио од 2012 година со 10 победи.

 

Следниот натпревар се игра ноќта четврток кон петок, повторно на теренот на Кливленд.

 

Вечерва играат Голден Стејт и Оклахома Сити во натпреварот број 2 во финалето на Запад, а Оклахома Сити води со 1-0