НБА плеј оф: Г.Стејт во следната рунда, победи на гости за Шарлот и Портланд

Кошаркарите на Голден Стејт успеаја да се пласираат во конференциското полуфинале на Запад откако ноќеска на домашен терен уште еднаш убедливо со 114:81 го совладаа Хјустон. Скорот во победи е 4-1 за шампионот. Во отсуство на повредениот Стеф Кари, Клеј Томпсон со 27 поени беше најефикасен кај победникот, додека на дуелот Џејмс Харден реализираше 35 поени.

Шарлот го изненади Мајами на негов терен и победи со 90:88. Домашните во последните 2:30 минути не постигнаа ниту еден кош што секако овозможи победа на Шарлот. Оваа екипа имаше повеќе расположени играчи на дуелот и поведе со 3-2 во победи.

Водство од 3-2 има и Портланд, кој славеше на теренот на ЛА Клиперс со 108:98. Гостите го искористија отсуството на повредените Крил Пол и Блејк Грифин и за првпат поведоа во серијата. Дамиан Лилард 16 од своите 22 поена ги постигна во последната четвртина.

Вечерва се игра натпреварот број 6 меѓу Бостон и Атланта. Води Атланта со 3-2 во победи.