НБА кошарка во Лондон и Мексико Сити

Мечевите кои се одиграа во Мексико Сити и Лондон ја обележаа ноќта во НБА лигата. Далас, во главниот град на Мексико, го победи Феникс 113:108, додека Денвер во англиската престолнина го декласираше тимот на Инсијана 140:112.

Денвер постигна 30 и повеќе поени во секоја четвртина поради што успеа да ја декласира Индијана во Лондон 140:112. Српскиот центар Никола Јокиќ со 22 поени, 10 скокови и 7 асистенции го шредводеше Денвер до 15-та сезонска победа.

Голденс Стејт без проблеми го совлада Детроит 127:107,: Вицепрвакот до триумфот го предводеа Дурент со 25, Кари со 24 и Томпсон со 23 поени. Сан Антонио му нанесе убедлив пораз на ЛА Лејкерс 134:94, Ленард уфрли 30, а Пау Гасол 22 поени. Њујорк против Чикаго славеше 104:89. Њујорк ја забележа втората победа на последните 11 натпревари во лигата. Бруклин загуби од Њу Орлеанс 95:104.