Научници: Комарците не пренесуваат коронавирус
Комарците не го пренесуваат коронавирусот, уверуваат повеќе научни и здравствени центри во светот.
Лоренс Стенбери, директор на Институтот за глобално здравје при Колеџот Вагелос во Њујорк, изјави дека при истражување, нивните научници се обиделе да заразат комарци со коронавирус, но не успеале.
– Комарците имаат некои вируси кај нив. Но, апсолутно, нема докази дека можат да се заразат со новиот коронавирус или, пак, дека можат да го пренесат, нагласува Стенбери.
И според Светската здравствена организација (СЗО), нема податоци или докази дека коронавирусот се пренесува преку комарец.
Д-р Амеш Адаља од Центарот за здравје „Џон Хопкинс“ во Балтимор, исто така, истакнува дека комарците не можат да го пренесат коронавирусот.
– Но, треба да се има предвид дека тие можат да пренесат некои други заразни болести. Меѓу нив се западнонилската треска, енцефалитис, вирусот зика и денга-вирусот, додаде Адаља.
Затоа, според неа, е важно просторот во кој живеат луѓето, да не биде подложен за размножување на комарци.
Ново на Сител
-
Тема на денот со Петар Арсовски, аналитичар
-
Преглед на вестите од светот
-
11 полицајци од СВР Велес на дисциплинска за случајот со убиената Росица
-
Полицијата денеска со опомени за оние кои со телефон и слушалки поминуваа улица, од утре ќе казнува
-
Камерите ќе го зголемат бројот на казни за сообраќајни прекршоци
-
Тротоарите во Скопје непроодни од ѓубре, Општина Аеродром и Градот поднесоа кривични пријави
-
Граѓаните бараат решение за Вардариште пред изборите – вчера повторно запалена депонија близу Арачиново
-
Резолуцијата на Филипче ќе добие конкретни забелешки од Владата по изборите