НАТО потврди: Русија не е одговорна за експлозијата во Полска
Проектилот кој падна на полска територија и уби две лица е истрелан од украинската противвоздушна одбрана, бранејќи се од рускиот ракетен напад. Станува збор за немил инцидент, покажува првичната истрага.
Немаме докази дека инцидентот е намерно предизвикан и дека Русија планира напад на НАТО, истакна шефот на Алијансата.
Првично постоа сомневања за руска вмешаност, но официјална Москва веднаш се огради од инцидентот.
И американскиот и турскиот претседател првично споделија сомневање дека проектилот бил истрелан од Русија, додека европските западни лидери главно повикаа на смиреност и на кредибилна истрага.
Загриженост поради веста дојде и од Македонија. Премиерот Ковачевски изрази сочувство за жртвите и посочи дека се работи на собирањето на сите факти за трагичниот настан.
Инцидентот на полско – украинската граница е тема на денешниот итен состанок на лидерите на НАТО, а во Алијансата се расправа за снадбување и модернизирање на украинската противвоздушна одбрана.
-
Горан Симоновски
Сите содржини од овој новинар