Наташа Петровска прва жена градоначалник на Битола
Наташа Петровска, првата жена градоначалник на Битола, денеска и официјално со свечена церемонија на примопредавање на функцијата, почна да раководи со општина Битола.
Овој момент е историски за нашиот град, истакна доскорешниот градоначалник Владимир Талески, кој на Петровска на симболичен начин и го предаде клучот на градот.
- Петровска убедливо победи на локалните избори, и ја честитам победата, и посакувам трпение, среќа и задоволство во работата што ќе ја работи бидејќи општина Битола не е како секоја друга општина во државата. Тоа обврзува и бара посветеност за развој на општината, истакна Талески, кој воедно се заблагодари за досегашната соработка со општинската администрација.
На свеченоста во општина Битола, новоизбраниот градоначалник Наташа Петровска јавно се заблагодари за поддршката на сите кои придонесоа за нејзиниот избор за градоначалник на Битола.
- Битола ќе биде транспарентна и отворена општина, услужна општина за сите. Својата енергија и ентузијазам, стручноста и искуството ќе ги вложам во мандатниот период. Посветеноста ќе биде моја одлика. Знам дека пред мене е многу работа и обврски. Подготвена сум да одговорам на сите задачи, а граѓаните тоа и ќе го видат, истакна Петровска на свеченоста која беше приредена во овој град.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот