Наскоро нова фасада на општинската зграда во Кочани
Во Програмата за изградба и асфалтирање на улици во градот и населените места во општина Кочани најавено е асфалтирање на три улици од кои една во Кочани и две во населбата Оризари.
- Се работи за асфалтирање на улиците „Карпошево востание“ во Кочани, како и „Асном“ и „Гоце Делчев“ во населбата Оризари. За оваа намена ќе бидат потрошени 4,6 милиони денари, средства кои на општината и останаа по асфалтирањето на десетте улици во градот минатата година. Средствата беа обезбедени од Светска банка и делот што преостана најрационално ќе биде искористен, изјави градоначалникот на Кочани Ратко Димитровски.
Тој информираше и за проектот на Источниот плански регион за користење средства од ИПА програмата за прекугранична соработка, што ќе го спроведуваат општина Кочани и општина Благоевград од Република Бугарија.
- Со овој проект ќе се добие нова фасада на општинската зграда, ќе биде замненет покривот, доградено поткровје, замена на прозорците и вратите, а ќе се изгради и пристапен лифт за инвалидизираните лица. Со ова ќе се добие енергетски ефикасна зграда, истакна Димитровски.
Според него, наредната недела ќе биде распишан повик за јавна набавка, а во април ќе биде склучен договорот за изведување на работите. Реновирањето и доградбата на општинската зграда во Кочани се очекува да се реализира за неполна година.
Општината од сопствениот буџет за 2017 година веќе издвои средства за реконструкција на електричната, водоводната и канализациската инсталација, кои се стари над педесетина години.
Ново на Сител
-
ВМРО-ДПМНЕ: 13-ти ден не работат операционите сали на Хиругија, СДС и ДУИ го оставаат здравството во хаос
-
Економски форум „По бурата: Управување со прехранбената и енергетската стабилност во Западниот Балкан“
-
Трета меѓународна конференција за унапредување на безбедноста во сообраќајот
-
Интензивни подготовки за матурски испит на средношколците во Штип
-
Без субвенции од општината, јавните претпријатија не можат да функционираат
-
Преглед на вестите од светот
-
Дали Управниот суд ќе стави официјален крај на изборите?
-
Tема на денот со Лилија Чолакова Дервишова, претседател на ЗПЛРМ