Наместо Радев во Брисел ќе оди Петков за да го каже своето прво „не“ за Македонија
Доколку Парламентот денеска ја одобри новата бугарска влада, Кирил Петков ќе го замени бугарскиот претседател Румен Радев како претставник на Бугарија на овогодишниот последен Европски совет в четврток во Брисел, наведува „24 Часа“.
– По правило на Европските совети учествува премиерот на Бугарија, а по исклучок на нив присуствува претседателот кога во земјата има техничка влада. Досега се планираше Румен Радев да ја претставува Бугарија на последниот Совет за оваа година. Во Бугарија дури се шпекулираше дека инаугурацијата на новата влада ќе биде одложена за да може шефот на државата да го одбрани бугарското вето во Брисел за почетокот на преговорите за членство на Република Македонија во ЕУ, наведува изданието.
Но, според „24 часа“, лидерот на „Промената продолжува“ и кандидат за нов бугарски премиер Кирил Петков сака тој да оди на заседанието на Советот и да преговара со другите европски лидери.
– Тој би дебитирал во Европскиот совет со новиот германски канцелар Олаф Шолц, кој минатата недела беше избран од Бундестагот. Ставот на Бугарија за Македонија останува непроменет, објави во саботата Петков на претставувањето на предлогот за неговата влада. Сепак, таа позиција треба да се надгради за да биде од корист за двете земји, додаде кандидатот за нов премиер, потсетува изданието.
„24 часа“ наведува дека во Брисел Петков ќе мора да ја брани бугарската рамковна позиција за Македонија одобрена од техничката влада, потсетувајќи дека минатата недела таа зазеде став дека Бугарија одобрува почеток на пристапните преговори на Албанија со ЕУ, но не и за Македонија.
Ново на Сител
-
Коњаниците од традиционалниот Илинденски марш пристигнуваат на целта
-
Претседателката го свика Советот за безбедност - Една од темите состојбата со пожарите
-
Опозицијата бара одговорност од Власта за пожарите - Тошковски тврди државата соодветно се справува
-
Тошковски: На безобѕирните возачи во иднина ќе им се одземаат возилата
-
Тема на денот со основачите на „Илинденски марш 78-ма“
-
Пратенички прашања: Кој го издаде Македонскиот јазик и идентитет
-
Избор на претседател на ДКСК и Народен правобранител пред локалните избори
-
Коцевски не заминува од функцијата, имал премногу работа како Јавен обвинител