Намалена казната на Шкендија за исвиркување на жртвите од Кочани, титулата ќе ја прослават со навивачи

Актуелниот шампион на Македонија Шкендија, соопшти дека ФФМ ja намалила дисциплинската казна која претходно беше изречена на клубот поради скандалозното исфиркување на жртвите од Кочани односно инцидентот поврзан со непочитување на минутата молк.

Првичната казна, предвидуваше Шкендија да одигра пет натпревари без присуство на публика, но по жалбата на клубот ФФМ донесе одлука за ублажување на казната. Со оваа одлука, навивачите на Шкендија ќе можат да присуствуваат на последниот натпревар од сезоната – меч кога клубот и официјално ќе ја прослави освоената шампионска титула.