Намален бројот на туристи во март

Државниот завод за статистика денеска објави дека бројот на туристи во март изнесувал 43.033 и бележи намалување за 3,5 проценти во споредба со истиот месец лани.

Според објавените податоци, намалување има и кај бројот на ноќевања за 3,2 проценти кои во овој период изнесувале 91 532. 

Бројот на домашни туристи во однос на март минатата година е намален за 4,3 проценти, а бројот на странски туристи за 3,1 процент. Ноќевањата на домашните туристи се намалени за 11,6 проценти, а бројот на ноќевањата на странските туристи е зголемен за 3,2 проценти.

Во периодот јануари - март е забележано зголемување на бројот на туристи за 6,9 проценти и тоа кај домашните туристи за 6,8 проценти, а кај странските за 6,9 проценти. Во овој период има зголемување и кај бројот на ноќевањата за 5,6 проценти и тоа кај странските туристи за 11,3 проценти, додека кај домашните туристи има намалување за 1,8 проценти.