Најстудено во Маврово, најмногу снег на Шапка

Утрово најстудено е во Маврово, -9 степени, а максимални два се измерени во Дојран.

Според УХМР, -7 е во Берово, -5 во Скопје-Петровец и Лазарополе, -4 во Крива Паланка, Тетово, Битола, Штип, Демир Капија, Струмица, Дебар и Претор, -3 во Прилеп и Крушево, -2 во Охрид, -1 во Скопје – Зајчев Рид, Куманово, Гевгелија и Виница.

До 7:30 часот висината на снежната покривка е 78 сантиметри на Попова Шапка, 57 во Маврови Анови, 26  во Крушево, 11 во Лазарополе и два сантиметра во Пожаране.

Времето денеска ќе биде претежно сончево со слаб до умерен ветер од северозападен правец. Максималната температура ќе биде во интервал од 9 до 15 степени.

Во Скопје сончево со слаб до умерен ветер од северозападен правец. Максималната температура ќе достигне до 13 степени.