Најстудено во Лазарополе, највисоки 17 степени во Штип и во Дојран

Најниски 9 степени целзиусови утрово измерени во Лазарополе, а највисоки 17 во Штип и во Дојран.

Од УХМР информираа дека 10 степени се измерени на Попова Шапка, 12 Маврови Анови, 13 Берово, Битола, Крушево, 14 Прилеп, Струмица, Крива Паланка, 15 Охрид, Претор, Велес, Кавадарци, Скопје-Петровец, 16 Куманово, Демир Капија, Гевгелија, Скопје-Зајчев Рид и Виница. 

За изминатите 24 часа до 8 часот (во l/m2) наврнат е воден талог 9 литри на метар квадратен во Крива Паланка, четири во Пожаране, три во Крушево и Кавадарци, два Берово и еден во Демира Капија, Виница и Гевгелија.

Во текот на ноќта времето беше променливо облачно понекаде со слаб локален дожд. Утрово е сончево со мала, а во североисточните делови со умерена облачност, во Кумановскиот регион со слаба утринаска магла.

Времето денеска ќе биде променливо облачно со сончеви периоди. Од пладневните часови ќе биде нестабилно со локален пороен дожд и грмежи. Наместа процесите ќе бидат поинтензивни во форма на невреме со силен ветер и услови за појава на град. Максималната температура ќе биде во интервал од 25 до 32 степена. UV=6

Во Скопје променливо облачно со сончеви периоди, попладне во делови од котлината ќе биде нестабилно со краткотраен пороен дожд, грмежи и засилен ветер. Максималната температура ќе достигне 30 степени.