Најстариот човек на светот го прослави својот 112. роденден
Најстариот човек на светот, Џон Тинисвуд го прослави својот 112. роденден во домот за стари лица во англискиот крајбрежен град Саутпорт, каде што е сместен. Роден е во Ливерпул, на 26 август 1912, а во април оваа година стана најстариот човек на светот. Тој, инаку, вели дека неговата долговечност е „чиста среќа“.
- Немам никаков таен рецепт, немам поим зошто живеам толку долго. Не ги чувствувам тие години и не се возбудувам од рекордите. Претпоставувам дека затоа и ги доживеав, вели Тинисвуд. Тој не споделува никакви совети за долг живот и нема некоја посебна диета. - Јадам што ми даваат!, вели кусо Џон.
Во мигов, најстарата жена и најстариот човек на светот е 116-годишната Јапонка Томико Итоока.
Покрај тоа што е најстариот човек на светот, Џон е и најстариот жив навивач на ФК Ливерпул. Тој е роден само 20 години по основањето на славниот клуб и на некој начин бил сведок на 17 од 19-те титули на Ливерпул, и сите осум освоени ФА-купови. Новиот рекордер е во пензија од 1972 година, а вдовец од 1986 година. Со својата покојна сопруга има ќерка која лани наполни 80 години.
Ново на Сител
-
Романските власти предупредија дека е можно објекти да паднат од воздух поради руски напад врз Украина
-
Британски научници тврдат дека Аспиринот го спречува ширењето на ракот
-
Продолжува судењето за „Адитив“ за злоупотреби во државната компанија ЕСМ и фиктивни тендери вредни милиони евра
-
Фицо: Европската Унија се однесува како навредено дете, Словачка ќе биде дел од новиот светски поредок
-
И официјално е потврдено: Мицкоски и новинари биле следени, СДС на Филипче направил груб упад на системот, велат од ВМРО-ДПМНЕ
-
Проширувањето во фокус на средбата на министрите за европски прашања на членките на ЕУ и на кандидатите за членство
-
Два активни пожара, три ставени под контрола
-
Путин ги пофали „невидените“ врски со Кина на почетокот на разговорите со Си