Најсјаната комета оди кон Земјата: Ќе помина покрај нас и може да се види со голо око, еве кога

Најсјаната комета, наречена "46P/Wirtanen", ќе помине наредната недела покрај Земјата и тоа ќе биде една од најблиската средба на таква врста на небесно тело од 1950 година. 

 

Како што наведува USA Today,  кометата к ќе биде најблиску до Сонцето наредната среда на 12 декември, а до Земјата на 16 -ти декември и ќе помине покрај нашата планета на одалеченост од 11.265.408 километри. 

 

Како што се наведува, кометата најверојатно ќе може да се види со голо око, но сепак најдобро би било да се гледа преку двоглед или телескоп. 

 

Со оглед на тоа дека кометата неколку недели ќе минува покрај Земјата, научните на НАСА ќе имаат прилика детално да ја проучуваат. 

 

Одделението за астрономија на Универзитетот во Мичиген соопшти дека „нема шанси кометата да ја погоди Земјата“.