Најмногу дожд во Пожаране, Гевгелија и Крушево

Во изминатите 24 часа најмногу дожд има наврнато во Пожаране, Гевгелија и Крушево.

Според информациите од УХРМ, во Пожаране наврнале 25 литри на метар квадратен, во Гевгелија 19, во Крушево 18 и во Тетово, Претор и Битола 13 литри на метар квадратен.

Утринските температури во целата држава се над нулата. Најстудено е во Лазарополе каде се измерени два степена, а најтополо во Демир Капија и Виница 11 степени.

За денеска синоптичарите најавуваат врнежи од дожд кои ќе бидат пообилни (над 35л/м²), а на места и поројни, проследени со засилен ветер од југоисточен правец. На повисоките планини ќе врне снег. Кон крајот на денот, врнежите ќе престануваат. Максималната температура ќе биде во интервал од 9 до 14 степени.