Најмногу дожд во Маврово и Демир Капија

Врнежи за изминатите 24 часа (во л/м 2 ): 1 Кр. Паланка, Дебар, 3 Куманово, Пожаране, 8 Дојран, 13 Берово, 14 Д. Капија, 20 Маврово.

 

Времето денес (27.06 2017 год.): Сончево и многу топло, попладне ќе има услови за изолирана нестабилност со краткотраен пороен дожд и грмежи, особено во планинските подрачја на југот и истокот од земјава. Ќе дува слаб ветер од западен правец.

 

 

Максималната температура ќе биде во интервал од 31 до 37 степени. УВ=9 

 

Метеоролошки параметри за Скопје: T= 35 °C, P= 976 hPa, U= 32 %, V= 3 m/s. (Т- температура, P- притисок, U- релативна влажност, V- средна брзина на ветер)

 

НАЈАВА: Поради изразено југозападно воздушно струење и прилив на многу топла воздушна маса, во наредните денови ќе биде уште потопло со натпросечни температури на воздухот. Од четврток до сабота вдолж Повардарието максималната температура ќе надмине 40 степени. Во четврток ќе дува засилен југозападен ветер. Во недела попладне и во текот на ноќта кон понеделник, поради нагол продор на влажна и посвежа воздушна маса од север, ќе има врнежи од дожд и грмежи, а од понеделник и значително опаѓање на температурата.