Најмалку три лица загинаа во поплавите во јужна Франција, илјадници домаќинства без струја

Најмалку три лица загинаа, а илјадници домаќинства останаа без електрична енергија поради поплавите предизвикани од обилните дождови во јужна Франција, јави ДПА.

Регионалните власти во вчера соопштија дека бурата предизвикала пораст на водостоите до „невидени“ нивоа. Во невремето загинале три лица, а едно е повредено.

Весникот „Ла Прованс“ објави дека две жени на возраст од 86 и 26 години, биле пронајдени удавени во подрум во Лансон-Прованс, додека 75-годишен маж загинал во невремето во Сен-Митр-ле-Ремпар.

Според регионалните власти, околу 250 лица од Арл и Сен-Мартен-де-Кро биле сместени во центри за евакуација.

Причинета е значителна материјална штета, а патишта и железнички линии се блокирани. Прекинати се и електричните и телефонските водови, соопштија властите.

Бурата „Адам“ претходно предизвика тешки поплави во источна Шпанија, во кои загинаа најмалку пет лица.

MИА