Најмалку четворица загинати при уривање на катна гаража во Израел

Во градежниот објект што пред два дена се урна во Тел Авив досега загинаа  четири лица, информира израелската армија, цитирана од американските медиуми.

Спасувачките екипи, предводени од регионалната воена команда на цивилната заштита, веќе два дена трагаат по преживеани меѓу остатоците од катната гаража, што се урна за  време на градба.

Армијата денеска потврди дека се откриени уште две тела, а уште три лица се водат за исчезнати.

Во инцидентот во престижниот трговски кварт во северниот дел на Тел Авив повредени се најмалку 20 лица.