Најмалку 30 рудари загинаа во рудник во ДР Конго
Најмалку 30 рудари загинаа, кога во североисточниот дел на Демократска Република Конго се урна дел од рудник за злато, кој работел незаконски.
Според локалните медиуми, во подрачјето Ватска, сместено во близина на границата со Уганда, на длабочина од 17 метри дошло до уривање на дел од рудник кој работел незаконски, пренесува Анадолија.
Спасувачките екипи дошле до телата на 30 рудари кои останале под урнатините на рудникот, но не се знае колку точно луѓе имало во рудникот во моментот на несреќата. Поради тоа што рудникот работел незаконски, се наоѓал далеку од населено место, па несреќата е забележана еден ден подоцна. Локалните власти посочуваат дека причина за несреќата најверојатно се обилните врнежи од дожд.
Во октомври, во источниот дел на земјата се урна дел од рудник за злато кој работел незаконски. Во таа несреќа животот го загубија 20 рудари.
Ново на Сител
-
Трипуновски: Земјоделците, задругите и преработувачите да ја поддржат кампањата „Македонско најдобро”
-
Успешно евакуиран повреден планинар кај камењарот на Пелистер
-
Кремљ: Путин е подготвен да разговара за мир во Украина, но сака да ги постигне своите цели
-
Мицкоски: На потегот од Климештани до Охрид вклучени 1 100 -1 200 работници, над 400 камиони и повеќе од 100 булдожери
-
Загина мотоциклист од кумановско Лопате на автопатот Табановце-Куманово
-
49-годишен маж се удавил во Охридското Езеро во близина на Струга
-
Јаневска: Ако се појави можност дел од образовните асистенти трајно да се вработат, со задоволство тоа ќе го прифатам
-
На камењарот на Пелистер се извлекува повреден македонски планинар