Најмалку 16 загинати во два самоубиствени напада во Кабул (ДПЛ)

Најмалку 16 лица загинаа, а над 43 се повредени денеска во два самоубиствени напада извршени од талибанците во Кабул, соопшти авганистанското Министерство за јавно здравство.

Првиот напад со автомобил-бомба е извршен пред полициска станица, а по експлозијата следувала престрелка меѓу полицијата и неколкумина талибанци.

Веднаш по првиот напад, бомбаш самоубиец ја активирал експлозивната направа која на носел на себе во близина на зградата на разузнавачката служба во источниот дел на Кабул.

Според портпаролот на Министерството за здравство, Вахид Муџро, во првиот напад загинале 15 лица, а 43 се повредени, додека во вториот едно лице е убиено, а едно е повредено.