Најмалку 15 загинати во експлозија на пазар во пакистанскиот град Парачинар
Најмалку 15 лица погинаа, а 50 се ранети во експлозија што денеска одекна на пазар во Парачинар, град во мнозински шиитска област на северозапад од Пакистан, јави Танјуг.
Експлозијата одекнала на преполниот пазар во областа Курам, на границата со Авганистан.
Локални претставници стравуваат дека бројот на жртвите ќе биде поголем.
Засега не е познато што ја предизвикало експлозијата, пренесуваат француските медиуми.
На снимките на локалната телевизија се гледа како стотици лица бегаат од пазарот, на кој главно се продава половна облека.
Речиси половината од ранетите се наоѓаат во критична состојба, наведуваат лекарите од локалната болница.
Се уште никој не ја презеде одговорноста за нападот.
Оваа област е позната по судирите меѓу сунитите и шиитите, кои сочинуваат околу 20 отсто од вкупната популација на Пакистан, земја со 200 милиони жители.
Ново на Сител
-
ЦУК: Конститутивна седница на Управувачкиот комитет за координација
-
Кривична пријава за 16-годишник од Крива Паланка, украл автомобил од сограѓанин
-
Тешко повредени мајка и ќерка од Гостивар откако врз нив паднала порта
-
Ужас во Скопје: Го киднапирале и го натерале да се самозапали
-
Оливер Миланов ја презеде функцијата директор на Агенција за храна и ветеринарство
-
Злате Мехмедовиќ ќе биде новиот директор на Клиниката за физикална медицина и рехабилитација
-
Франција распореди 30.000 полицајци поради страв од немири на денот на изборите
-
Кој е Кир Стармер, идниот британски премиер?