Најмалку 14 загинати при напад врз бегалски камп во Ирак

Најмалку 14 лица загинаа, а 13 други се ранети синоќа, кога бомбаш самоубиец се разнесе во камп за сместување на внатрешно раселени лица во ирачката провинција Анбар, соопшти локалната полиција.

Според медициснки извори, најголем дел од загинатите и ранетите при нападот се жени и деца.

Полицијата информира и дека меѓу загинатите се и двајца припадници на безбедносните сили на Ирак. 

Засега никој не презеде одговорност за нападот, но полицијата претпоставува дека тој е дело на џихадистичката група Исламска држва, која се уште конторлира делови од провинцијата Анбар, што се наоѓа крај границата на Ирак кон Сирија, Јордан и Саудиска Арабија.