Најмалку 12 луѓе загинаа во бомбашки напад во Багдад

Во експлозија на автомобил-бомба загинаа најмалку 12 лица, а повредени се 50. Нападот се случи на пазар во источниот дел на Багдад.

Инцидентот се случи во претежно шиитската област Јамила.

Портпаролот на ирачкото Министерство за внатрешни работи изјави дека полицаец го забележал напаѓачот и отворил оган, но не успеал да го спречи нападот.

Според него, меѓу жртвите најмалку шестмина се цивили.

Се уште ниту една група не презела одговорност за нападот.