Нагелсман: Сè уште сметам на Вернер, тој сè уште не замина

 Тренерот на Лајпциг, Јулијан Нагелсман изјави дека сè уште смета на напаѓачот Тимо Вернер во Лигата на шампионите. Претходно беше објавено дека 24-годишниот Германец е близу до пристапување во Челзи во јули, и затоа нема да може да му помогне на Лајпциг на следните натпревари во Лигата на шампионите закажани за август.

– Во моментов, Тимо, како и досега, е вклучен во моите планови, вклучувајќи ја и Лигата на шампионите. Вернер е фудбалер на Лајпциг. Тој сè уште нема потпишано договор со ниту еден друг клуб. Неговата важност за нашиот тим е неверојатно голема. Тој има одлични показатели за перформанси какви што треба да се очекува од напаѓачот, изјави Нагелсман.

Во сезоната 2019/20, Вернер одигра 41 натпревар за Лајпциг, со 31 погодок и 13 асистенции на негова сметка.