-->
-->
Надал ќе игра во Рио
-->
Рафаел Надал ќе настапи за Шпанија на Олимписките игри во Рио, кои почнуваат во петок. Тој ќе игра во три конкуренции (сингл, двојки и мешани двојки). Настапот на најдобриот шпански тенисер беше неизвесен поради повредата на зглобот.
- Ситуацијата не е најдобра, но ќе се обидам да играм, изјави Надал.
Оваа негова изјава ја потврди и селекторот на шпанскиот олимписки тениски тим Кончита Мартинез, која неговиот настап го образложи со тоа дека Игрите се одржуваат само еднаш во четири години.
Надал во конкуренција на двојки ќе игра заедно со Марк Лопез, а во мешани двојки со Гарбине Мугуруза.
Надал има златен олимписки медал од Игрите во Пекинг 2008 година, додека во Лондон 2012 година не настапи поради повреда на коленото.
Машкиот дел од турнирот на Игрите во Рио ќе биде многу „сиромешен“ бидејќи пет од Топ 10 тенисерите од ранг листата нема да играат поради повреди (Рожер Федерер, Стан Вавринка, Милош Раониќ, Доминик Тием и Томаш Бердих).
Најголеми фаворити се двајцата први играчи: Новак Ѓоковиќ и Енди Мареј.
Тенискиот турнир ќе се игра од 6 до 14.август, а извлекувањето „на костурот“ ќе се одржи утре.
-->
-->
-->
Ново на Сител
-
Ким Џонг-ун надгледуваше пробно истрелување ракети
-
Учениците од понеделник на пролетен распуст, наставата ќе продолжи на 7 мај
-
СПМ: Вториот круг претседателски избори ќе базира на резултатите од првиот
-
Мицотакис: Грција нема да испрати во Украина системи С-300, ниту „Патриот“
-
Столтенберг: Украина и натаму може да ја добие војната против Русија
-
Најстудено во Лазарополе, најтопло во Дојран
-
Течат роковите за приговори до ДИК, партиите продолжуваат со изборните активности
-
ЦУК: 1.694 повици на 112 во последното деноноќие