Над 140 уапсени при протести во Париз

Француската полиција во текот на минатата ноќ уапси најмалку 141 лице, кои учествувале во насилни протести по изборот на Емануел Макрон за нов претседател на Франција.

Француската полиција утрово соопшти дека од вкупниот број уапсени на деветмина им е одредена мерка притвор, додека останатите се ослободени.

Според полицијата, уапсените ќе се соочат со обвиненија за вандализам.

Учесниците на протестите се припадници на анерхистички и екстремно левичарски групи, кои се противат на изборот на Макрон за претседател, но и на неговата противкандидатка Марин Ле Пен. Според нив, Макрон е „наклонет кон бизнис секторот“, додека Ле Пен има „расистичко минато“.