Началникот на турската армија имал „конструктивни разговори" со Русија за Сирија

Началникот на турските вооружени сили генерал Хулуси Акар имал „конструктивни" разговори со неговите руски колеги за ситуацијата во сирискиот град Алепо и борбата против „Исламска држава", соопшти денеска турската армија во соопштението денес.

Русија и НАТО членката Турција поддржуваат противнички страни во сирискиот конфликт.

Во последните месеци тие ги нормализираат врските, откако пред една година ги затегнаа поради соборувањето на руски бомбардер од страна на турските воздухопловни сили крај сириската граница.

Акар ја посети вчера Русија  заедно со началникот на разузнавачката служба, за да разговараат за воената соработка и регионалните случувања.

Во соопштението на армијата се наведува дека предмет на дискусија биле наоѓање на решение за престанок на судирите во Сирија, нормализирање на ситуацијата во Алепо, како и продолжувањето на процесот на развивање соработка меѓу двете земји со цел да се стави крај на заканата од „Исламска држава".