На влезовите во Струмица се делеа маски и се мереше температура на патници
Во организација на Одделот за превенција при СВР-Струмица и Општинската организација на Црвен крст Струмица на влезовите во градот се делеа маски и се мереше телесната температура на патниците.
-Целта на ова превентивна активност е да ја подигнеме свеста кај граѓаните и да укажеме на задолжително носење на заштитни маски и почитување на одлуките и препораките од Владата на Република Северна Македонија, изјави Хризантема Рендевска, началник на Отсек за превенција при СВР-Струмица.
Црвениот крст најавува продолжување на овие активности и во наредниот период.
-Со нашите волонтери ќе продолжиме да делиме заштитни маски, кои се донација од една општествено одговорна компанија, рече Маријана Тошева, секретар на Општинската организација на Црвен крст-Струмица.
Oд патниците, кои беа контролирани на влезот во Струмица од Радовиш,немаше ниту eден со зголемена телесна температура. Доколку кај некој од нив се забележи повисока температура граѓанинот ќе биде спроведен во Центар за јавно здравје, каде се утврдува дали се работи за моментно зголемена температура или за присуство на коронавирус.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош