На турско-сириската граница приведени 17 членови на ИД

Турските сили за безбедност привеле денеска на турско-сириската граница седумнаесет осомничени членови на Исламска држава, соопшти турската армија.

Џихадистите биле приведени во турскиот округ Килис од каде имале намера да заминат во Сирија.

Во изминатите недели турските сили за безбедност презедоа голем број операции против џихадисти од Исламска држава, јави турската телевизија НТВ.