На Табановце спречен шверц на 4,5 кг марихуана
Царинските службеници од Одделението за оперативни работи вчера на граничниот премин Табановце спечија обид за шверц на околу 4,5 килограми марихуана.
- При детална контрола, извршена со помош на царинско куче, на ауди А6 караван со албански регистарски ознаки, управувано од албански државјанин кој патувал заедно со својата сопруга и двете малолетни деца, во специјално направен бункер во долниот дел од автомобилот, зад задниот браник се пронајдени 3 пакувања наполнети со зелена тревкаста материја, за која по извршената проверка со тестер за дрога НИК е утврдено дека станува збор за марихуана со тежина од околу 4,5 килограми, соопшти денеска Царинската управа.
Целокупниот предмет е предаден на Одделението за истраги за натамошна постапка.
Од спроведените предистражни мерки, како што е наведено во соопштението, утврдено е дека дрогата била натоварена во Албанија - област Лушнје и била наменета за западно-европскиот пазар. Пријавениот ја транспортирал марихуаната за одреден паричен надомест кој требало да му биде исплатен откако ќе ја предаде на лице во Германија.
Вредноста на оваа количина на нарко - пазарот на големо би достигнала до 27 илјади евра.
Царинската управа, како што се наведува во соопштението, ќе поднесе кривична пријава до надлежното јавно обвинителство, а осомниченото лице ќе биде изведено пред судија на претходна постапка поради постоење на основано сомневање дека осомничениот сторил кривично дело „неовластено производство и пуштање во промет на наркотични дроги, психотропни супстанци и прекурсори“.
Ново на Сител
-
Осумдесетгодишник од Теарце со изгореници заврши во болница откако му се запали домот
-
Силјановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.