На сила новите мерки за цените на горивата на бензинските станици во Германија

Во Германија од денеска на сила е новата регулатива за формирањето на цените на горивата на бензинските станици, по остриот раст на цените по почетокот на кризата на Блискиот Исток.

Според новите правила, бензинските станици смеат да ги зголемат цените само еднаш дневно, и тоа напладне. Целта е да се ограничат ценовните флуктуации и да се обезбеди поголема транспарентност.

Намалувањето на цените и натаму ќе биде дозволено во секое време.Законот вчера беше објавен во Сојузниот службен весник.

Со оваа мерка германската Влада го следи примерот на Австрија, каде на сила веќе извесен период е од неодамна и заострено слично правило.

Автомобилскиот клуб „ADAC“ и компаниите што стопанисуваат со бензински станици не се убедени дека новата регулатива значајно ќе влијае врз крајната цена на горивата.

За напочитување на новите законски одредби се предвидени парични казни во висина до сто илјади евра. Пакетот мерки за горивата вклучува и построги антимонополски правила, при што Сојузната канцеларија за картели ќе добие поголеми овластувања за постапување против прекумерно високи.

МИА