-->
-->
На Ливерпул му беа потребни 5 гола за победа
-->
Фудбалерите на Норич и Ливерпул одиграа неверојатен меч на „Кероу Роуд“, кој го зачинија со девет голови. Ливерпул успеа да слави со 4:5, откако во 53.минута Норич имаше предност од 3:1. Норич го забележа третиот последовен пораз, додека Ливерпул го прекина постот од три натпревари без триумф.
Ливерпул во 18.минута, преку Фирмино, го отвори резултатот, но до крајот на полувремето, Норич направи целосен пресврт, најпрвин Мбокани во 29.минута постигна прекрасен гол со петица, а потоа Нејсмит погоди во 41.минута.
Нејсмит го одигра првиот натпревар за Норич, тој пред неколку денови пристигна од Евертон во трансфер кој изнесуваше осум милиони фунти.
Второто полувреме започна лошо за Ливерпул, Хулахан од пенал го зголеми водството на Норич.
Сепак само две минути подоцна, во 55-та, Хендерсон намали на 2:3, а во 63.минута Фирмино со својот втор гол на натпреварот израмни на 3:3.
Капитенот на Норич Мартин, во 75.минута направи катастрофална грешка и му овозможи на Милнер да постигне лесен гол.
Вистински делириум на стадионот предизвика голот на дефанзивецот Басонг во 92.минута, со кој израмни на 4:4.
Сепак три минути подоцна Лалана ја искористи конфузијата во домашната одбрана и го постави конечниот резултат 4:5.
-->
-->
-->
Ново на Сител
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд
-
76-годишна прилепчанка измамена за 380.000 денари - ја убедиле дека внука ѝ ќе оди во затвор
-
Оштетен автомобилот на скопјанка по тепачка со жена на Бит Пазар
-
Скопјанец нападнат од својот малолетен внук