На изборите во Грција на 25 јуни ќе учествуваат 32 партии
Од 44 пријавени партии, на претстојните избори во Грција на 25 јуни, ќе учествуваат 32, кои ги исполнија соодветните критериуми и нивните кандидатури беа одобрени од Врховниот суд, додека пак осудениот поранешен пратеник од Златна зора, Илиас Касидиарис повторно не доби зелено светло, јави дописничката на МИА од Атина.
Врховниот суд на Грција, кој е надлежен да ги разгледа доставените кандидатури соопшти дека на изборите ќе учествуваат 26 партии, четири коалиции и два самостојни и независни кандидати.
Меѓу 12-те одбиени кандидатури беше и коалицијата на независни кандидати „Грци за татковината и слободата“ во која учествуваше Касидиарис.
Поранешен пратеник од Златна зора, кој издржува затворска казна на минатите избори се кандидираше со неговата партија, но и тогаш не доби зелено светло, а сега повторно беше отфрлена неговата кандидатура преку новоформираната коалиција.
Одлуката е согласно изгласаниот закон и дополнителен амандман во грчкиот Парламент со кои се предвидува забрана за учеството на изборите на партија чиј претседател, генерален секретар или вистински лидер е осуден за криминално дело.
Касидиарис, кој моментално е во затвор, во периодот од 2012 до 2019 година беше пратеник од Златна зора, а во октомври 2020 година беше осуден на затворска казна од 13 година и шест месеци поради формирање криминална организација.
На претходните парламентарни избори одржани на 21 мај учествуваа 36 партии, а пет од нив го поминаа изборниот праг од три отсто и обезбедија место во Парламентот.
Ново на Сител
-
Извештајот на Светска банка го нарушува имиџот на земјава
-
Тема на денот со премиерот Христијан Мицкоски
-
Македонски Телеком креираше иновативно решение за телемедицина, единствено во регионот
-
Во Велес утре ден на жалост за тројцата загинати во сообраќајката кај Катланово - другите пет лица се тешко повредени
-
Таравари бара директорите на Детска и Козле да преземат мерки за докторите кои направиле превид
-
ВО ЖИВО: Голема полициска акција
-
Смена во АНБ
-
Четири општини нема да добијат државни пари - Владата го продолжи рокот за да може да аплицираат дополнително