На градската депонија во Велес пуштена во употреба фотонапонска сончева централа

 

 

На пуштањето во функција на фотонапонската централа со 24 панели во вредност од 10 илјади евра, обезбедени од ЈКП „Дервен“ и Општина Велес, присуствуваше и градоначалникот Славчо Чадиев. 

 

Како што појаснуваат од ЈКП „Дервен“ економски најефикасно и еколошки најприфатливо решение е поставување изолиран фотоволтаичен (OFF GRID) систем за производство на електрична енергија за сопствени потреби на депонијата односно за ноќно осветлување на депонијата бидејќи веќе една година градскиот смет се собира и ноќе.

 

Фиданчо Цеков директор на ЈКП „Дервен“  информира дека очекуваното производство на електрична енергија од целиот систем е 9MWh/годишно, бидејќи локацијата припаѓа во подрачје со зголемено траење на сончевото зрачење со 280 денови во годината. Потребите досега, подвлече, се обезбедуваа од дизел агрегат кој не беше доволен за планираните активности на депонијата. 

Градоначалникот Чадиев, потсети дека „Пакомак“ ДОО Скопје и донира на Општина Велес хидраулична преса за правење бали од селектиран отпад од пакување која иницијално многу ќе помогне во оперативност на системот и олеснување на работата околу складирањето и транспортот на отпадот. 

Се очекува до крајот на ноември  на депонијата да биде поставено депо за складирање на отпад од елктронска опрема, отпадни батерии и акумулатори, опасен отпад.

 

Инаку,изминатиот период се изврши комплетно оградување на депонијата и поставување на систем за перење на возилата кои го транспортираат и одложуваат отпадот.