-->
-->
МЗТ Скопје А. домаќин на Ловќен во дуел од АБА 2 лигата
-->
Во СЦ „Јане Сандански“ македонскиот вице-првак МЗТ Скопје Аеродром е домаќин на црногорскиот претставник Ловќен од Цетиње во дуел од 4.коло на АБА 2 лигата.
По несреќниот пораз во минатото коло, кога сино белите загубија на гостувањето во Словенија кај Приморска и тоа по продолжение, избраниците на тренерот Кочов веруваат дека денеска ќе остварат нова победа, трета во АБА 2 конкуренцијата.
„Станува збор за екипа која никако не смееме никако да ја потцениме. Очекувам од моите играчи влезат со максимален пристап во натпреварот и да продолжат да го даваат тоа што од нив се очекува. Исто така, помошта од публиката е секогаш од големо значење за наната екипа. Им ветуваме на сите наши фанови кои ќе дојдат да нè бодрат, дека дома нема да си заминат разочарани од нашата борбеност и залагање“, вели тренерот на аеродромци Ѓорѓи Кочов.
Со него се огласува и младиот Андреј Маслинко кој верува дека предноста на домашниот терен мора да биде искористена.
„Ова е натпревар во кој едноставно мора да победиме. Несреќниот пораз против Приморска е веќе зад нас и сите сме насочени кон пресметката со Ловќен, која е идеална шанса да се вратиме на победничката патека. Ниту еден противник во АБА2 не е наивен и сигурно нема да го потцениме гостинот од Црна Гора. Но, ако одиграме како што знаеме, пред сè на ниво на претходните две средби на домашен терен, тогаш мислам дека ќе немаме проблем да дојдеме до посакуваната цел“ изјави Маслинко.
Натпреварот, МЗТ Скопје Аеродром – Ловќен започнува од 19 часот.
-->
-->
-->
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца