МЗ: На инфективните одделенија во земјава се лекуваат 811 пациенти, слободни кревети има
Во изминатите 24 часа во ковид центрите во болниците низ земјава е пријавено дека се лекуваат вкупно 811 пациенти позитивни и суспектни на корона вирусот, соопштија од Министерството за здравство.
Од МЗ информираа дека по извештаите на болниците кои пристигнуваат на дневна основа, во болницата во Битола се хоспитализирани 65 пациенти позитивни и суспектни на КОВИД-19. Во болницата во Штип се хоспитализирани 53 пациенти. На инфективното одделение во Тетово има 44 пациенти, во Велес се лекуваат 59 болни, а во Куманово 114 пациенти позитивни и суспектни на КОВИД 19. Во ковид центарот во Охрид има хоспитализирано 110 пациенти, во Прилеп 115, во ковид центарот во Гостивар 54, а во Струга 30 болни. Во болницата во Струмица лежи 71 пациент, во Кочани 22, во Кичево 20, Кавадарци 39, а во Гевгелија 15 лица позитивни на корона вирусот. Имајте во предвид дека бројките се менуваат од час во час, според направените приеми и исписи на пациенти.
– Вкупната бројка на пациети позитивни и суспектни на корона вирусот кои се лекуваат на инфективните оддели во главниот град и во болниците низ земјава е 1248 и има колку 175 празни болнички кревети во ковид центрите. Во тек на денот се прават и исписи на оздравени пациенти со што ќе се ослободат дополнителни легла, наведоа од МЗ.
Имено, како што посочија од МЗ, сите одделенија на клиничките болници располагаат со болнички места до кои има довод на кислород.
– И покрај големиот наплив на пациенти во изминативе десетина дена, Министерството за здравство е во постојан контакт со сите болници и доколку има потреба, капацитетите на ковид одделенијата ќе бидат дополнително проширени, нагласија од МЗ.
Ново на Сител
-
Соопштение до јавноста oд македонската страна на Заедничката мултидисциплинарна експертска комисија за историски и образовни прашања
-
Министерство за здравство: Не постои илегална вакцинација, опозициската партија шири лажни вести
-
Најмалку 30 загинати и 17 повредени при експлозија на камион-цистерна за гориво во Нигерија
-
Арсовски: Никој не знае дали и колку вакцини се стигнати во државава и кој се ги добил
-
СДСМ: Ништо не ги колеба ВМРО-ДПМНЕ да шират лажни вести, нема илегална вакцинација, нема ниту шверц на лекови
-
Приведен 46-годишен маж од Прилеп поради обљуба на малолетничка
-
СП Ракомет: Червар ја „погреши“ тактиката против Аргентина
-
ФА куп: Саутемптон за гол подобар од Арсенал