МВР: Во тек е полициска акција во повеќе градови во државата за сузбивање трговија со дрога

Одделот за организиран и сериозен криминал при Министерството за внатрешни работи (МВР), под раководство на јавен обвинител од Основното јавно обвинителство за гонење на организиран криминал и корупција (ОЈО ГОКК), спроведува полициска акција на територијата на повеќе градови во државата.

Како што информираат од МВР, акцијата е насочена кон сузбивање на кривични дела од областа на неовластено производство и пуштање во промет на наркотични дроги, психотропни супстанции и прекурсори.

Подетални информации за преземените мерки и активности, како и за резултатите од акцијата, од Министерството за внатрешни работи најавуваат по нејзиното целосно завршување.

МИА