МВР: Саит Саитов уапсен во Белград

Во Белград е лишен од слобода Саит Саитов од Скопје, кој беше баран со меѓународна потерница распишана од Министерството за внатрешни работи на Северна Македонија, соопшти МВР.

Како што информираат од Министерството, на 11.02.2026 година надлежните служби во Србија го лоцирале и привеле Саитов, кој се сомничи за сторени тешки кривични дела „против безбедноста на луѓето и имотот во сообраќајот“ и „неукажување помош на лице повредено во сообраќајна незгода“.

Кривично-правниот настан се случил на 09.01.2026 година во Скопје, кога осомничениот наводно прегазил жена и го напуштил местото на несреќата.

На Саитов му е одреден екстрадициски притвор, а во наредниот период ќе следува постапка помеѓу министерствата за правда на двете држави, со цел негово екстрадирање во Северна Македонија и изведување пред надлежните судски органи.