МВР: Приведени осум лица за настаните во и околу Собранието
Полицијата за синоќешните настани во и околу Собранието привела осум лица кои се задржани во Полициската станица во Гази Баба. Обезбеден е и видео материјал од Собранието со цел идентификација на лицата што ги нападнаа пратениците, новинарите и други лица во собраниската зграда и се преземаат сите мерки за расчистување на овие настани, соопшти денеска на прес-конференција во МВР помошник министерот за внатрешни работи Јордан Ламаноски.
Осумдесет и три лица побарале медицинска помош во Ургентниот центар, во Градската општа болница „8 Септември“ и во Клиниката по хируршки болести „Свети Наум Охридски“. Повредени биле 25 полицајци, 54 граѓани, тројца пратеници, како и еден новинар. Од таму најавија дополнителни информации во текот на овој ден.
Ламаноски, како и претходно министерот за внатрешни работи Агим Нухиу, повтори дека во истрагата за сите случувања во и околу Собранието од синоќа е вклучена и внатрешната контрола на МВР која треба да утврди дали се вистинити информациите дека дел од полицајците не ги извршувале своите професионални задачи.
Настаните според МВР почнале вчера околу 19 часот кога поголема група граѓани влегоа во Собранието и физички биле нападнати повеќе лица, меѓу кои и пратеници. Собранието, според Ламаноски, било испразнето околу 22 часот и 30 минути. Според проценките на полицијата во и околу Собранието синоќа имало околу 5.000 граѓани, а 40 минути по полноќ пред зградата на Законодавниот дом останале приближно околу илјада граѓани и биле поставени пет шатори.
Појасни дека за полицијата проблем за безбедно извлекување на повредените лица била поголемата маса народ пред и во објектот.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар