МВР: Постапуваме по пријава за напад откако едно лице се јавило во 16.45 часот во билетарата на МНТ

По дојавата за поставена експлозивна направа во Македонскиот народен театар се огласија од МВР.

- Ja известуваме јавноста дека постапуваме по пријава за напад откако едно лице се јавило во 16.45 часот во билетарата на МНТ, велат од полицијата.

Повикаа граѓаните да останат смирени, а медиумите да ги пренесуваат официјалните информации. Велат дека станува збор за стандардни мерки на МВР по добиена ваква пријава и штом ќе ги завршат проверките и веродостојноста на информацијата ќе ја информираат јавноста. 

Претходно медиумите објавија дека се работи за дојава за бомба. - велат од МВР