МВР: Казнети 149 возачи за брзо возење

Во рамки на акциската контрола на територијата на Република Северна Македонија за санкционирање на возачи кои се движат со брзина поголема од дозволената полицијата санкционира 149 возачи.

Од нив, како што соопшти МВР, пет возачи управувале со возилата со брзина над 50 километри на час повеќе од дозволеното, а двајца со дури над 70 километри на час повеќе од дозволената брзина.

Притоа 70 возачи ја пречекориле брзината во населено место, а 79 надвор од населено место.

Од МВР најавуваат дека сообраќајните контроли продолжуваат и во наредните денови и апелираат до сите учесници во сообраќајот да ги почитуваат сообраќајните правила и прописи за заеднички придонес за побезбедни патишта.