МВР и ОЈО денес на прес-конференција ќе информираат за убиството на Вања Ѓорчевска
Министерот за внатрешни работи Оливер Спасовски и основниот јавен обвинител на Основното јавно обвинителство Скопје, Гаврил Бубевски денес во 09:30 часот ќе одржат прес-конференција на која ќе информираат за убиството на 14-годишнината Вања Ѓорчевска.
Од Министерството за внатрешни работи информираат дека се откажани за денес најавените работни средби во СВР Куманово и Регионалниот центар за гранични работи Север.
Министерството за внатрешни работи и Основното јавно обвинителство вчера соопштија дека во близина на Скопје е пронајдено безживотното тело на 14-годишнината Вања која се водеше за исчезната од 27 ноември. Во околината на Велес е пронајдено и телото на 74-годишниот П.Ж. кој се водел за исчезнат од 24 ноември.
За двата случаи, како што информираа од МВР, осомничени се пет лица, од кои за три се бара мерка притвор, едно е надвор од државата, а едно лице во моментов е во полициска станица.
- Претходно, во врска со кривичните дела беше пронајдено опожарено возило „цитроен“ и по извршени вештачења обезбедени се материјални докази за инволвираност на лицата, за што по целосно документирање на случаите, во координација со Јавен обвинител ќе бидат поднесени соодветни кривични пријави, посочија од МВР.
Од спроведените истражни дејствија утврдено е дека и двете убиства се извршени од истите лица, чиј мотив е „користољубие“.
Според информацијата на МВР, од реализираните оперативни мерки утврдено е дека Вања била земена со возило од влезот на живеалиштето, а од обезбедените информации од распитот, утврдено е дека била убиена истиот ден (27.11.2023) околу 10.00 часот.
Веднаш по добивањето на пријавите за исчезнатите лица, од МВР посочуваат, дека се преземени мерки и активности за нивно пронаоѓање. Извршени се претреси во домови и други простории на подрачјата на СВР Скопје, СВР Велес и СВР Штип, при што пронајдени и одземени се мобилни телефони, компјутери, возило и друго.
Извршен е увид на двете локации каде се пронајдени телата и издадена е наредба за обдуција. Исто така, издадени се наредби за прибирање и вештачење на сите траги и докази од двете локации, информираа во заедничко соопштение Јавното обвинителство и МВР.
Од МВР информираат дека сите осомничени се од македонска етничка припадност.
Вања Ѓорчевска беше пријавена за исчезната во понеделникот, на 27 ноември од нејзината мајка. Последен пат била забележана во период по 7.20 часот, на пат кон училиштето Песталоци.
Ново на Сител
-
БиХ: Дете пронајдено живо под плоча тешка два тона
-
Тепачка во дискотека во Штип - Осум луѓе побарале здравствена помош
-
Крушево: Жена возејќи „ауди“ удри во паркирано возило
-
Во Тунис денеска се избира претседател, со еден претседателски кандидат во затвор
-
Кавадарчанка пријавила напад врз малолетниот син во угостителски објект со стаклени и други предмети
-
Во израелски напад врз џамија и училиште во Газа загинаа 24 лица, а 93 се ранети
-
Петнаесетгодишно момче избодено 50 пати со нож и живо запалено во Марсеј
-
Во прекин сообраќајот на патот Ресен – Охрид, кај планинскиот премин Буково