МТСП: Еднократна помош од 30.000 денари за две семејства во социјален ризик
Две семејства во социјален ризик за кои беа објавени стории во медиумите ќе добијат еднократна парична помош од 30.000 денари, објави попладнево Министерството за труд и социјална политика.
Станува збор за семејството на Џејлане Мурати, самохрана мајка на четири деца, кое живее во субстандардни услови, како и за Оливер Симонов, корисник на правото од социјална заштита.
Министерството информира дека во врска со случајот на Џејлане Мурати веднаш бил даден налог тим од надлежниот Центар за социјална работа да излезе на терен и да ја утврди фактичката состојба по што е формирана комисија за доделување на еднократна парична помош и е констатирано дека станува збор за самохрана мајка на четири деца кои живеат во субстандардни услови. Воедно, утврдено е дека таа е корисник на родителски додаток за трето дете.
Во однос на случајот со Оливер Симонов, Министерството за труд и социјална политика констатирало дека станува збор за корисник на право од социјална заштита и оти семејството се наоѓа во социјален ризик.
МТСП соопшти дека се прават напори да и се помогне и на Милка Хаџијефтимова, односно за нејзино адекватно сместување во соодветна установа. На ова лице, како што посочи ресорното Министерство, досега неколку пати му е помогнато со еднократна парична помош.
Ново на Сител
-
Малолетник претепан од три лица во Гази Баба
-
Малолетници фрлиле во височина соученик во тетовско училиште
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања
-
Јавна расправа на Управниот суд за тужбата од Коалицијата „Вреди“
-
Тошковски - Давкова: Ќе градиме општество во кое основен принцип ќе биде владеење на правото
-
Мицкоски: Од Грција очекував честитки, а не политички мускули, повикувам на добрососедски и пријателски односи
-
РКЕ: Цените на бензините, дизелот и екстра лесното масло за домаќинство остануваат исти, се намалува само цената на мазутот