Мото ГП: Пол позиција за Роси во Јапонија

Возачот на Јамаха, Валентино Роси, ја освои пол позицијата во пресрет на 15-та трка во Мото ГП шампинатот, во кралската класа, Големата награда на Јапонија.

 

Легендарниот Италијанец оствари време 1:43.954 минути и ја освои третата пол позиција сезонава, вкупно 64-та во кариерата.

 

Покрај Роси трката од првиот стартен ред ќе ја започнат лидерот во генералниот пласман, Марк Маркез на Репсол Хонда и актуелниот светски првак Хорхе Лоренцо на Јамаха.

 

Во вториот ред се наоѓаат Андреа Довициозо на Дукати, Кал Кралчоу на Хомда и Алеш Еспаргаро на Сузуки.

 

Зад нив се Маверик Вињалњс, Ектор Барбера, Пол Еспаргаро и Данило Петручи.

 

На четири трки до крајот на првенството Маркез има 52 бода повеќе од Роси.