МОН: Учениците и студентите денеска ги добија средствата за стипендии
Министерството за образование и наука информира дека сите ученички и студентски стипендии на постојните корисници за учебната, односно академска 2023-2024 година се исплатени заклучно со месец јануари. За новите корисници, пак, исплатата ќе се реализира во текот на неделата. Младите треба да се спокојни, сите средства кои им следуваат ќе им бидат целосно исплатени.
Оваа Влада нема практика да укинува права, туку напротив се заложува за унапредување на ученичкиот и студентскиот стандард и во таа насока, во последните неколку години се воведоа низа нови права и можности кои во минатото не постоеја.
Воведени се нови категории на стипендии, а месечните износите на постојните се зголемени, за одредени категории и за над 80%. Воведен е субвенциониран студентски оброк и износот на истиот дополнително зголемен на барање на студентите. Воведовме и низа антикризни мерки со цел поддршка на воспитно – образовниот процес на младите и покривање на дел од трошоците. Со интензивна заложба ќе продолжиме да ги штитиме нивните интереси и да помагаме во остварувањето на целите.
Наскоро ќе започне и етапната реконструкција на државните студентски домови. Потпишан е договор за изведба на градежните работи и подготвителните активности се во тек. Исто така, годинава предвидени се и реконструктивни активности во ученичките домови.
Остануваме во комуникација со организациите кои ги застапуваат учениците и студентите и заедно и во иднина ќе ги носиме одлуките кои ги засегаат.
Министерство за образование и наука
Ново на Сител
-
Новиот државен секретар Рубио потврди дека САД ќе работат на ставање крај на војната во Украина
-
Раст на фјучерсите на американските берзи по новите укази на Трамп
-
Ѓоковиќ ќе го предадеше мечот со Алкараз доколку го загубеше вториот сет
-
Мицкоски во Вашингтон присуствувал на на свеченоста „Гласови на слободата“ и остварил бројни средби
-
Украина работи на одржување средба меѓу Зеленски и Трамп
-
Лазаров за ремито со Австрија: Горд сум на моите ракометари
-
Капитенот Кузмановски донесе реми во последните секунди на натпреварот Македонија-Австрија
-
Собранието го донесе Законот за заштита на децата, прифатени само два амандмани