МОН го честита Меѓународниот ден на наставниците
Министерството за образование и наука испрати честитка по повод Денот на наставниците - 5 Октомври.
- Денес се одбележува Денот на наставниците! Празник на оние кои одлучиле да се занимаваат со најблагородната професија – да ги едуцираат и воспитуваат најмладите. Да создаваат индивидуи кои ќе бидат подготвени за справување со секојдневните животни и професионални предизвици и за поставување и остварување на цели и успеси. Да создаваат генерации кои ќе бидат идните носители на општествените текови и двигатели на севкупниот државен просперитет, стои во честитката.
Во неа се додава дека затоа, улогата на просветните работници има посебно знаење и место во секое општество. И мора да го добијат вниманието, кое впрочем и го заслужуваат. Дигнитетот на професија за која се одлучиле и почитта кон нив како индивидуи треба постојано да растат.
Министерството за образование и наука и Владата на Република Македонија, се посочува, се свесни за тоа и, во таа насока правиме напори за подобрување на нивниот статус, преку континуирано подобрување на условите за работа, како од инфраструктурен аспект за опременост на училниците и обезбедување на соодветни нагледни средства и помагала за олеснување на наставата, така и од аспект на унапредување на личната благосостојба преку зголемување на приходите.
Во честитката наведуваат дека така и ќе продолжат, затоа што, задоволството и мотивацијата за работа кај наставниците, кои се најважната алка во воспитно образовниот процес, се основа за негов напредок и поставување и достигнување на повисоки стандарди за квалитет.
- Нека е честит денот! Да сте живи, здрави и успешни, посочуваат во честитката.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар