„Мое Куманово“ - конкурс за најдобра фотографија на градот

 

Конкурсот насловен Мое Куманово“ ќе трае еден месец, а испратените фотографии ќе бидат искористени за промоција. 

 

Како што соопшти Општината, мотивите на фотографиите треба  да се панорамски, да го прикажуваат градот ноќе или да отсликуваат знаменитости, занаетчиство, инфраструктура, јавни објекти, манифестации, спортски и културни настани. 

 

По завршувањето на рокот за пријавување, стручна комисија ќе ги разгледа сите пристигнати фотографии и ќе одбере 30 најдобри кои ќе бидат изложени. 

 

На конкурсот ќе бидат доделени три награди за најдобра фотографија прво, второ и трето место според оценките на стручната комисија. За прво место општината ќе додели 20.000, за второ 15.000 и за трето 10.000 денари.

 

Пријавата за учество на конкурсот може да се симне од веб страницата на Општина Куманово www.kumanovo.gov.mk, или да се подигне лично во Архивата на Општина Куманово. 

 

Конкурсот е објавен во делот на активностите кои предвидуваат подобрување на условите за престој на туристите за 2016 година.