Мобилизиран поранешен руски репрезентативец

Поранешниот фудбалер на Евертон и руски репрезентативец, Динијар Билјателдинов, е мобилизиран во руската армија, објавува руската ановинска агенција „База“.

 

Според нивните извори, 37-годишниот Билјалетдинов никогаш не служел воен рок, туку го отслужи своето во спортот. Билјалетдинов ја почна кариерата во Локомотив Москва за кои имаше 185 настапи во шест сезони по што во 2009 година се пресели во Евертон за 9 милиони фунти. Тој остана во Премиер лигата до 2012 година по што играше за Спартак Москва пред да замине во пензија во 2019 година со литванскиот клуб Ритеираи. Покрај тоа, Билјалетдинов имаше и 46 настапи за руската репрезентција од 2005 до 2012 и беше дел од тимот што стигна до полуфиналето не Евро 2008.

 

„Да, Динијар доби покана. Тој служеше во спортот пред 19 години кога играше во младинскиот тим. Не знам која е неговата воена специјалност, или инженерски тим или железнички тим“, изјави татко му Ринат Билјалетинов.