-->
-->
МНР домаќин на Министерскиот состанок на земјите од Западен Балкан
-->
Министерството за надворешни работи на Република Македонија утре ќе биде домаќин на Министерскиот состанок на земјите од Западен Балкан, на кој ќе присуствуваат и еврокомесарот за соседска политика и преговори за проширување Јоханес Хан, италијанскиот државен потсекретар за надворешни работи Винченцо Амендола и генералниот секретар на Советот за регионална соработка Горан Свилановиќ.
Како што соопшти МНР, овој состанок претставува неформална средба на министрите за надворешни работи од балканските земји вклучени во тнр. „Берлински процес“. На состанокот ќе се разговараат прашања од областа на регионалната соработка во различни сегменти, но со посебен акцент на заедничките регионални предизвици, економскиот просперитет и меѓусебното поврзување, владеењето на правото и анти – корупцијата, во функција на интегрирање на сите Балкански земји во ЕУ.
Министрите за надворешни работи ќе одржат и заедничка сесија со министрите за енергетика, на која што ќе се дискутира за примената на одлуките од Парискиот самит и очекувањата од претстојниот Самит во Трст во рамките на тнр. „Берлински процес“.
На маргините на состанокот ќе бидат потпишани два договора помеѓу Европската комисија и меѓународните финансиски институции - Европската банка за обнова и развој (ЕБРД), Европската инвестициона банка (ЕИБ) и Банкарскиот концерн KfW, во рамките на Програмата за регионална енергетска ефикасност (REEP Plus – Regional Energy Efficiency Programme ) и Фондот за зелен раст (GGF – Green for Growth Fund ), преку кои ќе се финансираат проекти што ќе се реализираат во регионот, стои во соопштението.
-->
-->
-->
Ново на Сител
-
Љупчо Палевски Палчо екстрадиран од Турција и сместен директно во Истражниот затвор во Шуто Оризари
-
Тема на денот со Горан Илијевски - Партија на Македонците во Србија
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати