Младите македонски кошаркари на силен турнир во Истанбул

РЕПРЕЗЕНТАТИВЦИТЕ ПРИСТИГНАА ВО ИСТАНБУЛ

Младите кошаркарски селекции на Македонија до 15 и до 16 години пристигнаа во Истанбул каде во текот на оваа седмица ќе одиграат по четири пријателски натпревари.

Младинските репрезентативци ќе го искористат искуството стекнато во српската престолнина изминатата недела како и од тековната во Турција за предизвиците кои им претстојат за летниот период. Кадетите ќе земат учество на Европското првенство за кошаркари до 16 години (дивизија Б) што во периодот од 9. до 18. август ќе се одигра во Сараево, Босна и Херцеговина додека генерацијата до 15 години ќе продолжи со активностите во рамки на проектот за развој на млади кошаркари насловен „Заедно до U16“.

Противници на нашите млади надежи на претстојниот турнир ќе им бидат врсниците од Галатасарај, Анадолу Ефес, Дарушафака и Истанбул ББ.

РАСПОРЕД

Понеделник 15. јануари, 2018 година

М16: Македонија - Галатасарај 18:30

М15: Македонија - Галатасарај 20:00

Вторник 16. јануари, 2018 година

М16: Македонија - Анадолу Ефес 19:00

М15: Македонија - Анадолу Ефес 20:30

СРЕДА СЛОБОДЕН ДЕН

Четврток 18. јануари, 2018 година

М16: Македонија - Дарушафака 18:30

М15: Македонија - Дарушафака 20:00